نشرت صفحة الملك محمد السادس، التي يديرها سفيان البحري، على موقع التواصل الاجتماعي الفايسبوك، صورة جديدة للملك محمد السادس رفقة شابة تدعى لبنة بنهيمة.
وقالت لبنى بنهيمة في تصريح لمدير صفحة محمد السادس ” كنت في شارع الزرقطوني حوالي الساعة الرابعة والنصف وبان ليا كاين نشاط غير عادي قلت واقيلا الملك غايدوز من هنا، شويا كايبانو ليا البوليس للي فالطريق كايعطيو التحية، درت نشوف ماتوقعتش سيدنا غادي يكون مورايا، هبطت الزاجة ديال السيارة وخرجت راسي وبديت كانسلم عليه وقلت لو بغيت صورة”.
وأضافت بنهيمة ” الملك كان يتحدث مع مستشاره فؤاد عالي الهمة، وأنا قلت نبقا تابعاه وخا نبقا غي نشوف فيه، وبقيت تابعاه واحد الشويا وهو يشوف فيا وقال ليا: واخا مرحبا، بقينا غاديين جنبا إلى جنب في الطريق حتى وصلنا لشارع المسيرة وهو يوقف وأنا نزلت من الطوموبيل سلمت عليه وقال ليا عطي التيليفون للحارس باش يصورنا”.
وأوضحت لبنى بنهيمة “عندما أخذت صورة مع الملك جاء عندي مجموعة من الحراس دايرين السماعات في أذهنهم قلت ليهم شكون نتوما قالو ليا حنا مع سيدنا من الولاية عطينا لاكارت، خداوها صوروها وقالو ليا صيفطي لينا الصورة، سولتهوم قلت ليهوم واش غادي تعطيوها لسفيان البحري”، مشيرة إلى أن حلمها تحقق عندما التقطت صورة لها رفقة ملك البلاد.
