وجه الممثل المغربي محمد الشوبي انتقادات لاذعة لمسلسل “نعام ألالة”، داعيا المنتجين والمخرجين إلى عدم الاستخفاف بعقول الشعب المغربي وتقديم شيء في المستوى خلال شهر رمضان.
وقال الشوبي في تدوينة على صفحته الرسمية بموقع التواصل الاجتماعي الفايسبوك “بغيوني ولا كرهوني، كلمتي نقولها ولاباس واخا بقطيع الراس، أسوأ دراما بالنسبة لي هذه السنة، وأقول بالنسبة لي أنا المشاهد العاشق للدراما، المحموم بها كأنها بوحمرون ديالي، الدراما لي عندها شروطها فالكتبة والإخراج والتشخيص، الدراما لي مللي كتفرج فيها كتمتع بكل شي، كتضحك، وكتبكي، وكتبورش، وكيبقاو فيك الشخصيات وكتحالف مع بعضهم وكتكره بعضهم”.
وفي السياق نفسه تابع الشوبي قائلا “الدراما لي ملي كتسالي حلقة ماكرهتيش يدوزوا ليك الحلقة لخرى باش تعرف آش وقع، السيتكوم ليه الدوا حيت من الأول غير تخربيق عندنا وتفلية ووسيلة باش تربح الفلوس، أما الدراما لي مبنية فما عندكمش الحق تقيسوها بالخيوبية، وهاد الخيوبية كاينة هاد العام كتابة وإخراجا فمسلسل ” نعام ألالة”.
وأوضح الشوبي أن “الفكرة مزيانة، لكن مع الأسف كل شيء تشقلب، وحتى خط ما مشى فالكتابة ولا فالإخراج للي كيلبق الكادرات والحركات دالكاميرا غير كيف جاب الله، لجرجة أنهم يطلبون من ممثلة باش تأخذ خامية وتغطي بروجيكتور حتى يسالي المشهد وهي كتهضر عاطية ظهرها للكاميرا”.
ووجه الشوبي رسالة إلى المنتجين “باراكا من الإستخفاف بعقولنا يا منتجي آخر الزمن، والله يحسن عوان الزملاء لي مشهود لهم بالكفاءة والفنية العالية، لي كيطيحوا فيد هاد مساحين الميسات، لي غبيرة لالة شاشة لي عندهم هي أنهم ساكنين ففرانسا، وكيهضروا بالفغانساوية الفخونسي”.
