أعلنت الممثلة المغربية منال الصديقي، الأربعاء، عبر حسابها الشخصي بموقع التواصل الاجتماعي “إنستغرام”، عن إصابة شقيقها بـ”فيروس كورونا” المستجد.
ونشرت منال صوة جمعتها بشقيقها علقت قائلة: “هذا خاي الحبيب معاذ الصديقي.. أخي الأصغر.. هذا اللي اللي كنت هضرت عليه فعدد من البرامج منهم، “رشيد شو” و”عندي مايفيد” وقلت عليه بللي كان مقبالني بعد الموت ديال ماما (الله يرحمها) فالسبيطار، وكان كيوجدلي الماكلة ويوكلني فحال شي bébé.. وكيفششني ويهتم بيا ويجريلي على التحاليل..”.
وأضافت: “نهار اللي دخلت للعملية جلس على الأرض وبقا كيبكي عليا حتى تنفخوا ليه عينيه.. وهزني على ظهرو فدارنا، من باب العمارة حتى للطابق الرابع والعرق هابط منو من الثقل ديالي، حيت مقدرتش نوقف على رجلي.. وكان كيوجدلي الصينية ويدخلهالي حتى لبيتي وأنا ناعسة فوق الفراش، ويجمع الكوزينا هو وخاي الصغير ياسين ويغسلوا المواعن وايديروا مافجهدهم.. هاد خاي معاذ إذا سمعني مريضة مايرتاح حتى يعرف صحتي تحسنت ويتصل كل نهار ويسول وينصح ويغوت عليا…”.
وتابعت منال حديثها: “ودابا سقت الأخبار فيه كورونا اللعينة، دار الحجر الصحي وعزل راسو ودوز المعاناة معاها، وخذا الدوا، ويالاه بدا كيتحسن شوية.. عاد سقت الأخبار منه، بعدما بقيت عليه بالأسئلة.. ماشي ظلم أنه يخدمني فمرضي، وأنا حتى مرضو يخبيه عليا”.
وختمت منال الصديقي تدوينتها المطولة قائلة: “الله يشافيك ويعافيك خويا الحبيب.. أحبك”.
