بعيون دامعة وصوت مبحوح من هول الصدمة، روت أم الطفل الذي غرق في حوض المياه العادمة تفاصيل اللحظات الأخيرة قبل وقوع الفاجعة.
وقالت الأم من خلال تصريح صحافي: “كنت غادية نزور جدودو فنهار عاشوراء، ولأول مرة بغى يجي معايا، قال ماما نمشي معاك رغم أنك مريضة وما قديش تمشي، وأنا رفضت نركب فطاكسي، قلت ليهم نمشي على رجلي معاكم”.
وتابعت: “هما دايزين على رجليهم، حتى جا خوه الصغير كيجري، وقال لي: يا ماما… وعييت نطلّ، كنقول علاش تعطلوا، حتى شفت شي حركة غريبة فالمكان، كنتسنى ولادي وما جاوش”.
وأضافت بنبرة حزينة: “الطفل طاح فواحد البلاصة باين فيها غير الأرض، ما فيها لا ضو، لا ماء، لا تشوير… حتى طاح بدا الماء كيبقبق وبان أن فيه حفرة كبيرة”.
وتساءلت الأم بأسى: “علاش ما داروش علامة؟ علاش هاد الخطر وسط طريق ديال عباد الله؟”.
وأكدت سيدة من عين المكان، أن الحوض مغطى بطبقة من الطحالب تجعله يبدو كأرض قاحلة: “حتى جاو رجال الوقاية المدنية، عاد بان الحجم الكبير ديال الحفرة اللي غرق فيها الطفل. راه ما كيبانش، كيجي بحال الأرض ناشفة”.
وختمت بكلمات تهز القلب: “هاد الحفرة وسط منطقة آهلة، وما فيها لا حارس لا إنارة لا تشوير. الله يرحمو ويصبر الأهل ديالو”.
